GORESPENAK
Agurra
V/. Zatozkit lagun, ene
Jainko.
R/. Jauna, zatoz laster ni laguntzera.
V/. Aintza Aitari eta
Semeari eta Espiritu Santuari.
Hasieran zen bezala orain eta beti
gizaldi eta gizaldietan. Amen.
Aleluia.
_________________________________
Goratzarrea, 16ra arte:
17tik aurrera:
_________________________________
Salterioa
1 Ant. Zu, Belem, Judako bazter hori, ez zara ezelan be Judako herri nagusietan txikiena; zeugandik urtengo dau-ta agintari batek, eta nire herri Israelen artzain izango da.
91 Salmoa
On da Jaunari eskerrak emotea,
eta zure izenari, Goi-goiko, eresi egitea;
goizean iragartzea zure maitasuna,
eta gauez zure leialtasuna;
hamar hariko salterio eta lirarekin,
kantuz eta kitararekin.
Zuk eginek, Jauna, atseginez
betetzen nabe,
zure esku-lanek pozetan nauke.
Bai handi, Jauna, Zuk egindakoak,
bai sakon dirala zure asmoak!
Ez ditu sumatzen burubakoak,
ez ulertzen zentzunbakoak.
Gaiztoak bedarra lez hazten badira be,
eta gaizkile guztiak loratzen,
betiko hondamendia izango dabe azken.
Jauna, Zu, ostera,
betien-beti garai zara.
Hara, zure etsaiak, Jauna,
hara, zure etsaiak galdu egingo dira,
gaizkileak sakabanatu egingo dira.
Baina niri basa-idiaren
indarra emon deustazu,
orio oso garbiz gantzutu nozu.
Nire etsaiak lotsaturik ikusi dodaz,
nire aurka jagi diran gaiztoen hondamena entzun dot:
«Zintzoa palmondoa lez loratuko
da,
Libango izaia lez haziko da;
Jaunaren etxean landatua,
gure Jainkoaren atarietan loratua.
Emongo dabe uzta zahartzaroan
be,
mardul eta gordin egongo dira.
Iragarriko dabe ze zuzena dan Jauna,
nire Harkatxa, Beragan gaiztakeriarik
ez daukana».
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Zu, Belem, Judako bazter hori, ez zara ezelan be Judako herri nagusietan txikiena; zeugandik urtengo dau-ta agintari batek, eta nire herri Israelen artzain izango da.
2 Ant. Jaso zun buruak: zuen askatasuna hurreratzen doa-ta.
Kantika: Ez 36, 24-28
Neuk hartuko zaituzet
atzerrietatik,
lur guztietatik batuko,
eta zuen lurraldera ekarriko.
Ur garbiz zipriztinduko
zaituet:
eta garbituko zarie zikin guztitik;
garbituko zaituet zuen
sasi-jainkoetatik.
Bihotz barria deutsuet emongo,
eta barruan arnasa barria ipiniko.
Kenduko dot zuen haragitik harrizko
bihotza,
jarriko deutsuet haragizko bihotza.
Nire arnasea zeuen barruan
ipiniko dot
eta nire legebidean ibiliazoko
zaituet,
nire aginduak zaindu daizuezan eta
bete.
Nik zuen arbasoei emondako
lurrean bizi izango zarie.
Nere herri zarie zuek izango
eta Ni zuen Jainko.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jaso zuen buruak: zuen askatasuna hurreratzen doa-ta.
3 Ant. Bihar izango dozue salbamen-eguna —dino Jaunak, gudari taldeen Jainkoak—.
8 Salmoa
Jauna, gure Jauna,
bai miragarria zure izena, lurbira
osoan!
Zeruen ganetik gora,
zure handitasuna!
Umetxoen eta sein bularrekoen ahotik
atara dozu gorespena, arerioak isilduazoteko,
etsaiak eta aurkakoak zentzuzko
egiteko.
Zure atzamarren lana dan
ortzia ikustean,
han ipini dituzun ilargi-izarrak
ikustean:
Zer da gizakia, Zu haretaz oroitu
zaitezan?
Edo-ta gizakumea, Zu haretaz arduratu
zaitezan?
Aingeruak baino doi-doi
txikiago egin dozu,
ospez eta aintzaz koroatu dozu.
Zure esku-lan guztien buru ipini
dozu,
guztia oinperatu deutsazu:
Ardi eta idi guztiak,
ganera lurreko abere guztiak;
eguratseko hegazti eta itsasoko
arrainak,
itsas-bidexketan dabilzanak.
Jauna, gure Jauna,
bai miragarria zure izena, lurbira
osoan!
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Bihar izango dozue salbamen-eguna —dino Jaunak, gudari taldeen Jainkoak—.
(Hemendik aurrera, hilaren egunekoa)
17, 18, 19, 20, 21, 22, 23, 24
