IV. Astelehena

Abendualdiko IV. Astelehena

Agurra

V/. Zatozkit lagun, ene Jainko.
R/. Jauna, zatoz laster ni laguntzera.

V/. Aintza Aitari eta Semeari eta Espiritu Santuari.
     Hasieran zen bezala orain eta beti
     gizaldi eta gizaldietan. Amen. Aleluia.

_________________________________

Goratzarrea, 16ra arte:

     —Zatoz, Jauna!

     —Zatozkigu ta aska gaitzazu

17tik aurrera:

     * Zatoz, Kristo

_________________________________

 

Salterioa

 

1 Ant. Begira, badator Jauna, lurreko erregeen nagusia; zorionekoak, Hari bidera urtzeteko prest dagozanak!

89 Salmoa

Jauna, gure igesleku Zeu izan zara,
     gizalditik gizaldira.

Mendiak erne baino lehen,
     lurbirea sortu baino lehenago,
     bazara Zu Jainko,
     betirik eta betiko.

Hauts bihurtu azoten dituzu gizakiak, hauxe esanez:
     «Bihurtu zaiteze gizaseme-alabok».
     Zure begientzat mila urte,
     atzo igaro zan eguna haina,
     gau-txanda bat haina.

Amets gauzatzen dira Zuk eroatean,
     goizeko bedar eze antzean:
     goizean ezerik da geratzen,
     arratsaldean zimeltzen da eta igartzen.

Zure haserreaz lur jota dagoz-eta,
     zure suminaz, izuturik.
     Begi-aurrean ipini dituzu gure pekatuak,
     zure aurpegiaren argitan gure txarkeria ezkutuak.

Gure egun guztiak
     zure haserretan igaro jakuz,
     gure urteak intziri baten amaitu jakuz.

Gure egun guztiak hirurogei ta hamar urte,
     bizkor izanean, laurogei urte,
     eta gehienak neke ta huskeria,
     berehala doaz-eta, —gu hegan goaz.

Nork ezagutu dau zure hasarrearen indarra?
     nork zure sumina, zor jatzun ikaraz?

Gure egunak bat-banatzen erakutsi eiguzu,
     bihurtu dakigula bihotz hau zuhur.
     Bihurtu zakiguz, Jauna; noiz arte?
     Jarri zaitez zure morroien alde.

Zure maitasunaz asetu gaizuz goizean,
     gure egun guztietan
     poztu eta alaitu gaitezan.

Poztu gaizuz, goibeldu gaituzun egunen ordez
     ikusi doguzan gatx-urteen ordez.

Zure lana agertu bedi zure morroiengan,
     eta zure aintza zure seme-alabengan.

Geugana bedi Jaunaren,
     gure Jainkoaren ontasuna,
     gure esku-lanean lagundu gaizuz,
     eta gure eskuen lana lagundu eizu!

Aintza Aitari eta Semeari
     eta Espiritu Santuari.
     Lehen lez, orain eta beti,
     eta amaibako egunetan. Amen.

Ant. Begira, badator Jauna, lurreko erregeen nagusia; zorionekoak, Hari bidera urtzeteko prest dagozanak!

 

2 Ant. Kanta Jaunari kantu barri, Haren gorespena lurraren bazterreraino heldu bedi. †

Kantika: Is 42, 10-16

Kanta Jaunari kantu barri,
     Haren gorespena lurraren bazterreraino heldu bedi.
     † Ekin orroka itsaso eta itsas-barren,
     ugarte eta hango biztanle.

Alaitu bitez basamortu eta hango uriak
     Kedar-zelaietan bizi diranak.
     Petratarrak, oihuka ekin,
     mendi-ganean irrintzi egin.
     Jaunaren aintza abestu beie,
     ugarteetan emon beioe ospe.

Badoa Jauna indartsu bat lez,
     sutan doa gudari bat lez.
     Irrintzia bota oihu-oihuka
     eta badoa ausarta etsaiaren aurka.

Isilik egon naz aspaldi honetan,
     berba barik dot dana jasan.
     Umegina lez dihardut garrasika,
     ito-zorian arnas-estuka.

Idortuko ditut mendi eta mendixkak,
     igartuko bedarrak,
     lehortuko ditut ibaiak,
     txukatuko aintzirak.

Gidatuko ditut itsuak bide harrotzetan,
     eta eroango bidezidor ez-ezagunetan.
     Argi bihurtuko deutset iluna,
     eta zelai, malkarrak.

Aintza Aitari eta Semeari
     eta Espiritu Santuari.
     Lehen lez, orain eta beti,
     eta maibako egunetan. Amen.

Ant. Kanta Jaunari kantu barri, Haren gorespena lurraren bazterreraino heldu bedi.

 

3 Ant.  Gizonaren Semeak, datorrenean, aurkituko ete dau sinismenik lurrean?

      134a Salmoa

Goretsi eizue Jaunaren izena,
     goretsi ha, Jaunaren mirabeak.
     Jaunaren etxean zagozenak,
     Jaunaren, gure Jainkoaren, atarietan zagozenak.

Goretsi eizue Jauna ona dalako,
     eresi egiozue Haren izenari gozoa dalako.
     Jakob hautatu dau-eta Jaunak beretzat,
     Israel bere ondaretzat.

Badakit handi dala Jauna,
     jainko guztien aldean nagusi gure Jauna.
     Nahi dauan guztia egin dau Jaunak zeru-lurretan,
     itsasoan eta ur-sakon guztietan.

Hodeiak lurraren bazterretatik ekartzen dauz,
     tximistez euria ekartzen dau,
     haizea bere txokoetatik ataratzen dau.

Jo ditu Egiptoko lehen seme-alabak,
     gizaki eta abereak.
     Mirari eta ikusgarriak egin ditu, Egipto, zure erdian,
     Faraonen eta haren morroi guztien kaltetan.

Atzerri ugari jo ditu, errege bizkorrak hil ditu:
     Sijon, amortarrena, eta Og, basandarrena,
     Kanaango errege danak.
     Hareen lurra emon deutso ondaretzat,
     bere herri Israel-i ondaretzat.

Aintza Aitari eta Semeari
     eta Espiritu Santuari.
     Lehen lez, orain eta beti,
     eta amaibako egunetan. Amen.

Ant.  Gizonaren Semeak, datorrenean, aurkituko ete dau sinismenik lurrean?

 

(Hemendik aurrera, hilaren egunekoa)

17,  18,  19,  20,  21,  22,  23,  24