IV. Eguaztena

Abendualdiko IV. Eguaztena

GORESPENAK

Agurra

V/. Zatozkit lagun, ene Jainko.
R/. Jauna, zatoz laster ni laguntzera.

V/. Aintza Aitari eta Semeari eta Espiritu Santuari.
     Hasieran zen bezala orain eta beti
     gizaldi eta gizaldietan. Amen. Aleluia.

_________________________________

Goratzarrea, 16ra arte:

     —Zatoz, Jauna!

     —Zatozkigu ta aska gaitzazu

17tik aurrera:

     * Zatoz, Kristo

_________________________________

 

Salterioa

 

1 Ant. Siondik etorriko da Jaun ahalguztiduna, bere erria salbatzera.

107 Salmoa

Bizkor daukat bihotza, bizkor, ene Jainko,
     eresi eta goratzarre deutsut egingo.
     Izartu zakidaz, barrena,
     izartu zaiteze, salterio eta kitara,
     izartuazoko dot artizarra.

Goretsiko zaitut, Jauna, herrietan,
     goratzarre egingo deutsut atzerrietan.
     Handi da-ta zure maitasuna zeruetaraino,
     zure leialtasuna hodeietaraino.

Jainko, agertu zaitez garai zeruan,
     zabaldu bedi lur osoan zure edertasuna.

     Zure maiteak onez atera eizuz,
     lagundu eiezu eskoiez eta entzun gazuz.

Holantxe egin dau berba Jainkoak bere jauretxean:
     «Siken pozetan dot banatuko,
     Sukot-ibarra neurtuko.

Neure lur dot Galaad, neure lur Manases,
     Efrain neure buru-oskol da,
     neure errege-makila Juda.

Neure garbi-ontzi dot Moab,
     Edon-ganean oinetakoa dot jarriko,
     Filisteari garaipen-oihu egingo».

Uri sendora nork nenkarke?
     Edoneraino nork eroango ninduke?
Ez ete Zeuk, zapuztu gaituzun Jainko horrek,
     gure gudari-taldeekin gehiago urteten ez dozun horrek?

Etsaien aurka emoiguzu laguntza,
     ustela da-ta giza-laguntza.
     Jainkoa lagun, gogor dogu jokatuko,
     eta gure etsaiak, Berak ditu zapalduko.

Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen.

Ant. Siondik etorriko da Jaun ahalguztiduna, bere erria salbatzera.

 

2 Ant. Sionen maitez ez naz isilduko, haren Zintzoa goiz-argia lez agertu dadin arte.

Kantika: Is 61, 10—62,5

Pozez beterik nauka Jaunak,
     nire arimea Jainkoagaz alai daukat:
     osasun-soinekoz jantzi nau,
     garaipen-estalkiz apaindu;
     Koroia jazten dauan senargaia lez,
     edergailuz apaintzen dan andragaia lez.

Lurrak landarak emoten dauzan lez,
     eta ortuak hazia ernetzen dauan lez:
     halantxe erneazoko dau Jaunak zuzenbidea
     eta gorespena atzerri guztien aurrean.

Sionen maitez ez naz isilduko,
     Jerusalemen maitez ez naz geldi egongo;
     Haren zuzentasuna distira lez argituko dan arte.
     Haren salbamena zuzia lez biztuko dan arte.

Ikusiko dabe herriek zure zuzentasuna,
     erregeek zure ospea;
     Izen barria ipiniko jatzu,
     Jaunaren ahoak emona.

Koroi eder izango zera Jaunaren eskuan,
     errege-burestun zure Jainkoaren eskuan.

Ez deutsue barriz deituko «Utzia»,
     ez eta zure lurraldeari ere «Hondamendia».
     «Neure atsegina» deituko deutsue zuri,
     eta «Senarduna», zure lurraldeari.
     Atsegin izango dau-ta zugan Jaunak,
     eta senarduna izango da zure lurraldea.

Mutil gaztea neskatileagaz ezkontzen dan lez,
     zure eraikilea zeugaz ezkonduko da;
     Senarrak emazteagaz hartzen dauan poza,
     zeugaz hartuko dau zure Jainkoak.

Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen.

Ant. Sionen maitez ez naz isilduko, haren Zintzoa goiz-argia lez agertu dadin arte.

 

3 Ant. Jaunaren Espiritua neugan dago: behartsuei barri ona emotera bialdu nau.

145 Salmoa

Goretsi eizu Jauna, ene barrua,
     goretsiko dot Jauna bizi nazan artean,
     eresi egingo deutsat Jainkoari ni nazan artean.

Itxaropenik ez ipini nagusiengan,
     salbamenik ez dakarren gizonagan.
     Arnasa galtzean hauts bihurtuko da,
     orduan desegingo dira haren asmoak.

Bai dohatsu, Jakoben Jainkoa lagun dauana,
     Jaunagan, bere Jainkoagan, uste on jarri dauana.
     Bera da, zerua ta lurra,
     itsasoa eta han dagozan guztiak egin dauzana.

Leiala da betiren beti,
     emoten deutse, eskubidea zapalduei,
     ogia, gose diranei.

Atxilotuak Jaunak askatzen ditu,
     itsuen begiak Jaunak argitzen ditu.
     Konkor dagozanak Jaunak dauz zutunduazoten,
     zintzoak Jaunak ditu maitatzen.

Arrotzak Jaunak ditu zaintzen,
     umezurtz eta alargunak laguntzen,
     eta gaiztoen asmoak eragozten.

Errege izango da Jauna sekuletan,
     zure Jainkoa, Sion, menderen mendeetan.

Aintza Aitari eta Semeari,
    eta Espiritu Santuari.
   Lehen lez, orain eta beti,
    eta amaibako egunetan. Amen.

Ant. Jaunaren Espiritua neugan dago: behartsuei barri ona emotera bialdu nau.

 

(Hemendik aurrera, hilaren egunekoa)

17,  18,  19,  20,  21,  22,  23,  24