Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen
bezala orain eta beti
gizaldi eta
gizaldietan. Amen. Aleluia.
Goratzarrea
Zatoz, Jauna! Gaur zai duzu mundua,
zori gaitzez hain da hondatua!
Zatoz, Jauna! Zabal, otoi, zerua:
Etor bedi zure erreinua!
Zatoz Jauna! Nausi bait da dirua:
jendea maiz dauka zapaldua.
Entzun, Jauna, behartsuen oihua:
Etor bedi zure erreinua!
Zatoz, Jauna! Hor gabiltza gauez
gau:
piztu gugan fedearen sua.
Zatoz, Jauna! Argi ezazu mundu hau:
Etor bedi zure erreinua!
Zatoz, Jauna! Maitasunez gu bete:
jendeek elkar ezin hartu dute.
Zatoz, Jauna! Zuk bat egin mundua:
Etor bedi zure erreinua!
1 Antifona: Egun haretan mendiek gozo-ihintza isuriko dabe, eta muinoek esnea eta eztia emongo dabe.
62. Salmoa
Jainko, neure Jainko zaitut,
goizetik bilatzen zaitut,
zeure egarriz daukat gogoa,
zeure irrikaz haragia,
lur idor, egarri, ur barik dirudi.
Egona nozu Zuri begira jauretxean,
zure ospea ta indarra ikusi-nahian.
Bizia baino hobea da-ta zure maitasuna,
ezpanok zure goralpena egingo dabe.
Goretsiko zaitut bizi nazan artean,
jasoko ditut eskuok zure izenean.
Gurinez eta maminez lez beteko jat gogoa,
ezpan-ikaraz goretsiko zaitu nire ahoak.
Zutaz oroitzen naz ohe-ganean,
Zeu gogoratzen zaitut gauean.
Zeu bihurtu zara-ta nire laguntzaile,
pozez oihu dagit zure hegoen gerizpean.
Nire gogoa Zuri itsatsia dago,
zure eskoiak eutsita nago.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Antifona: Egun haretan mendiek gozo-ihintza isuriko dabe, eta muinoek esnea eta eztia emongo dabe.
2. Antifona: Mendi eta muinoek pozez oihu egingo dabe Jaunaren aurrean; basoko zuhaitzek txalo joko dabe Jauna badatorrelako, betiko errege izatera, aleluia.
Kantika: Dn 3, 57-88. 56
Jaunak egindako guztiak, bedeinkatu eizue Jauna:
goretsi eta ospatu gizaldietan.
Jaunaren aingeruak, bedeinkatu eizue Jauna;
zeruak, bedeinkatu eizue Jauna.
Zeru-gaineko ur guztiak, bedeinkatu eizue Jauna;
Jaunaren gudari guztiak, bedeinkatu eizue Jauna.
Eguzki eta ilargi, bedeinkatu eizue Jauna;
zeruko izarrak, bedeinkatu eizue Jauna.
Euri ta ihintz guztiak, bedeinkatu eizue Jauna;
haize guztiak, bedeinkatu eizue Jauna.
Su eta beroak, bedeinkatu eizue Jauna;
hotz eta hotz-min, bedeinkatu eizue Jauna.
Ihintz eta langar, bedeinkatu eizue Jauna;
izotz eta jelak, bedeinkatu eizue Jauna.
Aintziar eta edur, bedeinkatu eizue Jauna;
gauak eta egunak, bedeinkatu eizue Jauna.
Argi eta ilunpeak, bedeinkatu eizue Jauna;
tximist eta hodeiak, bedeinkatu eizue Jauna.
Bedeinkatu bei Jauna lurrak:
goretsi eta ospatu gizaldietan.
Mendi eta muno, bedeinkatu eizue Jauna;
lur ganean ernetzen diran guztiak, bedeinkatu eizue Jauna.
Iturriak, bedeinkatu eizue Jauna;
itsaso eta ibaiak, bedeinkatu eizue Jauna.
Baleak eta uretan dabiltzan guztiak, bedeinkatu eizue Jauna;
zeruko hegazti guztiak, bedeinkatu eizue Jauna.
Piztia eta abere guztiak, bedeinkatu eizue Jauna:
goretsi eta ospatu gizaldietan.
Giza-seme-alabak, bedeinkatu eizue Jauna;
israeldarrak, bedeinkatu eizue Jauna.
Jaunaren abadeak, bedeinkatu eizue Jauna;
Jaunaren morroiak, bedeinkatu eizue Jauna.
Espiritu eta arima zintzoak, bedeinkatu eizue Jauna;
santu eta biotz-apalak, bedeinkatu eizue Jauna.
Ananias, Azarias, Misael, bedeinkatu eizue Jauna:
goretsi eta ospatu gizaldietan.
Bedeinkatu daiguzan Aita eta Semea Espiritu Santuarekin:
goretsi eta ospatu gizaldietan.
Bedeinkatua Zu zeru-sabaian:
aintza eta gorespen Zuri gizaldietan.
Antifona: Mendi eta
muinoek pozez oihu egingo dabe Jaunaren aurrean; basoko zuhaitzek txalo joko
dabe Jauna badatorrelako, betiko errege izatera, aleluia.
3. Antifona: Profeta handia etorriko da, eta berak barrituko dau Jerusalem, alleluia
149 Salmoa
Kanta Jaunari kantu barri,haren gorespena zintzoen batzarrean entzun bedi.
Poztu bedi Israel bere Egileagan,
alaitu beitez siondarrak euren erregeagan.
Goretsi beie Haren izena dantzarekin,
egin beioe goratzarre zaldabai eta kitararekin.
Maite dau-ta Jaunak bere herria,
umilak ditu garaipenez jantziak.
Goraldi horretaz zintzoak alaitu beitez,
euren etzun-lekuetan oihu egin beie pozez.
Bego Jainkoaren goralpena hareen eztarrietan,
egon beitez aho biko ezpatak hareen eskuetan;
atzerriengandik apena hartu daien,
herriak zigortu daiezan;
hareen erregeak lotu daiezan katez,
hareen handikiak, burdin-uztaiez.
Idatzirik dagoan epaia jazo bedi:
gorapide hau dagokie Haren zintzo guztiei.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Antifona: Profeta handia etorriko da, eta berak barrituko dau Jerusalem, aleluia
Jainkoaren itza
Ordua da,
lotatik itxartutzeko; sinisten hasi-barri haretan baino hurrago dogu gaur gure
salbamena. Badoa gaua; gainean dogu eguna; kendu daiguzan, ba, ilunpetako
egintzak, eta jantzi argizko armak.
R/. Kristo, Jainko biziaren Seme, * erruki zakiguz.
V/. Aitaren eskoi-aldean jarririk zagozana. * erruki zakiguz.
R/. Aintza Aitari eta Semeari eta Espiritu Santuari.
Kristo,
Jainko biziaren Seme, * erruki zakiguz.
Bened. ant. Espiritu Santua jaitsiko da zugana, Maria; ez izan bildurrik: Jaungoikoaren Semea sortuko dozu sabelean, alleluia.
Bedeinkatua Jauna, Israelgo Jainkoa
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan hitzemona eban-eta bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Antifona: Espiritu Santua jaitsiko da zugana, Maria; ez izan bildurrik: Jaungoikoaren Semea sortuko dozu sabelean, alleluia.
Eskariak
Otoitz
egin deiogun Jesu Kristo gure Jaunaren agerpena itxaroteko grazia emon deuskun
Aita Jaungoikoari, esanez:
Erakutsi eiguzu, Jauna, zure errukia.
—Zuzendu eizuz, Jauna, gure gorputz-arimak, * eta akatsik barik gorde gaizuz, zure Semearen etorrerarako.
—Egizu, egun honetan zintzo ibili gaitezala, * zuzen eta jainko-zale bizi izan gaitezan.
—Egizu, Jesu Kristo gure Jauna hartu daigula soineko, * eta Espiritu Santuaz bete gaitezala.
—Egizu, Jauna, beti erne bizi izan gaitezala, * zure Semearen agerkundeak halan aurkitu gaizan.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
ahalguztiduna,
emoiezu zure fededunei
euren egintza onakaz
Kristoren bidera urteteko gogoa,
egun baten, Aren eskoialdean jarririk,
zeruko erreinua eskuratu daien.
Zure Seme Jesu Kristo…
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
ABENDUALDIKO I. ASTELEHENA
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen
bezala orain eta beti
gizaldi eta
gizaldietan. Amen. Aleluia.
Goratzarrea
Zatoz ta izan gure sutargi,
ikus dezaten gure begiok
zure aintzaren ederra.
Azkartu zure indarra
eta iguzu salbazioa.
Zatozkigu ta aska gaitzazu,
bizi berri bat dezagun.
Zatoz ta izan bizitzaren gar,
igor zaiguzu zure Arnasa
eraberritu gaitezen.
Behar ordutan gure adore,
gure pausoen gidari.
Zatozkigu ta aska gaitzazu,
bizi berri bat dezagun.
Zatoz ta izan «gurekin Jainko»,
argi gaitzazu Zuri darizun
jakinduriaren argiz.
Erne bekigu salbazinoa,
nola menditan goiz-alba.
Zatozkigu ta aska gaitzazu,
bizi berri bat dezagun.
Salmoak
5. salmoa, 2-10. 12-13
1 Ant. Zuri arrenka nagokizu, Jauna, entzun goizetik nire berbaldia
Entzun, Jauna, nire eskaria,
aditu eizu
nire intziria.
Zagoz erne
nire deadar-hotsera,
ene Errege ta
ene Jainko.
Zuri arrenka nagokizu, Jauna,
entzun
goizetik nire berbaldia;
goizean
agertzen deutsut nire eskaria,
eta zure zain
gelditzen naz.
Ez zara-eta Jainko gaiztakeria-zale,
gaiztorik
ezin da bizi zurean,
harroek ez dabe
iraungo zure aurrean.
Gaizkile guztiak gorroto dituzu,
guzur-ontziak
hondatzen dituzu.
Gizon
odol-zale ta maltzurrak,
gorroto ditu
Jaunak.
Ni, barriz, zure maitasun ugariz,
sartuko naz
zurean;
zure jauretxe
deunaren aurrean
ahuspez
jarriko zure bildurrean.
Jauna, nire etsaiekaitik,
zure
zuzentasunean eroan nagizu,
nire aurrean zure
bidea zelaitu eizu.
Ez da-eta egiarik holakoen ahotan,
horreen
bihotzak txarkeria dau asmotan;
hilobi
zabaldua da horreen eztarria,
horreen mihina,
zurikeria.
Zugana batzen diranak, ordea, poztu bediz,
egin begie
oihu beti pozaren pozez.
Babestu eizuz,
eta alaitu bediz zuregan
zure izena
maite dabenak.
Zintzoa zeuk onesten dozu-eta, Jauna,
onginahiez
inguratzen babeskiz bezela.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Zuri arrenka nagokizu, Jauna, entzun goizetik nire berbaldia
2 Ant. Goresten dogu ,gure Jainko, zure izen argitsua.
Kantika: 1 Kro 29, 10-13
Gora zu, Jauna, gure aita Israel-en Jainko,
betidanik betidaino.
Zureak dira, Jauna, indarra ta handitasuna,
zureak argia, distira ta argitasuna.
Zeru-lurretan daudenak oro zure dira, †
zureak, Jauna, jaurerria,
eta zu, guztien gainetik dagoen buruzagia.
Ondasuna ta ospea zure dituzu,
guztietan zuk agintzen duzu.
Zure eskuan indarra ta kemena,
guztia handi ta sendo egitea, zure eskuarena.
Orain, beraz, gure Jainko, ospatzen zaitugu,
zure izen argitsua goresten dugu.
Aintza Aitari eta Semeari,
eta Espiritu Santuari.
Lehen lezz
orain eta beti
eta amai bako
egunetan. Amen.
Ant. Goresten dogu, gure Jainko, zure izen argitsua.
3 Ant. Jauretsi Jauna apainduria deunez.
28. Salmoa
Emon, Jainko-seme-alabok,
Jaunari,
emon ospe eta indar Jaunari.
Emon ospe Jaunari bere izenaren ederrez,
jauretsi Jauna apainduria deunez.
Horra Jaunaren
mintzoa ur-gainean:
Jainko itzalgarriaren ostotsa durundan,
Jauna ur ugarien gainean.
Jaunaren berbaroa indartsu,
Jaunaren berbaroa ospetsu.
Jaunaren berbaroak
ditu izaiak apurtzen,
Libango izaiak Jaunak apurtzen.
Libani jauzi eragingo dio, zekorrari bezela;
Sarioni, basa-idiskoari bezela.
Jaunaren berbaroak
su-garra dau botatzen,
Jaunaren berbaroak basamortua ikaratzen,
Janak Kades-lekaroa ikaratzen.
Jaunaren berbaroak bihurritzen ditu arteak,
soiltzen basoak,
haren jauretxean danek dinoe: Gora!
Jesarri da
uholde-gainean,
Jauna errege jesarriko betiraunean.
Bere herriari indar emongo deutso Jaunak,
bere herria bedeinkatuko dau bake emonez Jaunak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen. R/.
Ant. Jauretsi Jauna apainduria deunez.
Jainkoaren Hitza (Is 2, 3)
Erdu! Igon daigun
Jaunaren mendira, Jakoben Jainkoaren etxera: berak erakutsiko deuskuz bere
bideak, eta Haren bidezidorretan ibiliko gara; Siondik urtengo dau-eta legeak,
eta Jerusalemetik Jaunaren hitzak.
R/. Zeure ganean, Jerusalem, * jagiko da Jauna. Zeure.
V/. Haren aintza zeurean agertuko da. * Jagiko da. Aintza Aitari. Zeure.
Bend. ant.: Jaso zure begiak, Jerusalem, eta ikusi zure Erregearen
ahalmena; hara, hor jatortzu Salbatzailea, zu lokarrietatik askatzera.
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan hitzemona eban-eta bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant.: Jaso zure begiak, Jerusalem, eta ikusi zure Erregearen
ahalmena; hara, hor jatortzu Salbatzailea, zu lokarrietatik askatzera.
Eskariak
Jainko biziaren
Seme eta argiaren Argi dan Jesu Kristo gure Jaunak eroango gaitu argira,
Beraren zuzentasuna ikusi daigun. Otoitz egin deiogun, ba, uste osoz:
Zatoz, Jesus Jauna.
—Geriza bako Argi, gure ilunpeak uxatzeko sortuz, * lotatik
itxartu eizu, Jauna, gure fedea.
—Egizu, egun guztian bildurrik barik ibili gaitezala, * zure
argiaren gozamenean.
—Erakutsi eiguzu egiazko otzantasuna, * guztien artean
ezaguna izan dadin.
—Erdu, mundu barri bat sortzera, * zuzentasuna eta bakea bizi
izan daitezan.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
OTOITZA
I. astean
Jainko Jauna,
egizu, erne egon gaitezala zure Seme Jesu Kristoren etorrerea itxaroten;
ate-joka datorrenean otoitzean aurkitu gaizan, Bera goresten pozez kantari.
Zure Seme Jesu Kristo.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
ABENDUALDIKO I. MARTITZENA
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen
bezala orain eta beti
gizaldi eta gizaldietan.
Amen. Aleluia.
Goratzarrea
Zatoz ta izan gure sutargi,
ikus dezaten gure begiok
zure aintzaren ederra.
Azkartu zure indarra
eta iguzu salbazioa.
Zatozkigu ta aska gaitzazu,
bizi berri bat dezagun.
Zatoz ta izan bizitzaren gar,
igor zaiguzu zure Arnasa
eraberritu gaitezen.
Behar ordutan gure adore,
gure pausoen gidari.
Zatozkigu ta aska gaitzazu,
bizi berri bat dezagun.
Zatoz ta izan «gurekin Jainko»,
argi gaitzazu Zuri darizun
jakinduriaren argiz.
Erne bekigu salbazinoa,
nola menditan goiz-alba.
Zatozkigu ta aska gaitzazu,
bizi berri bat dezagun.
Salmoak
1 Ant. Eskuak errugabe ta bihotza garbi dituanak igongo dau Jaunaren mendira.
23. salmoa
Jaunarena da lurra, eta lurra betetzen dabenak,
lurbira eta bertan
bizi diranak.
Harek emon deutsoz
itsasoak oinarri,
eta ibaiak
sendogarri.
Jaunaren mendira nork igongo?
Haren toki santuan
nor egongo?
Eskuak errugabe ta bihotza garbi dituana,
huskerietara jotzen
ez dauana,
hurkoari guzur-zinik
egiten ez deutsona.
Holakoak hartuko dau bedeinkapena Jaunagandik,
zuzentasuna,
salbatzaile dauan Jainkoagandik.
Hauxe da Haren bila dabiltzanen taldea,
Jakoben Jainkoaren
aurpegi-bila dabiltzanena.
Ateburuak, goratu
zaiteze,
aspaldiko ateak,
luzatu zaiteze,
Errege ospetsua sartu
dadin.
Nor da Errege ospetsu hori?
Jaun indartsu eta
ahaltsua, guduan Jaun ahaltsua.
Ateburuak, goratu zaiteze,
aspaldiko ateak,
luzatu zaitezte,
Errege ospetsua sartu
dadin.
Nor da Errege ospetsu hori?
gudari-taldeen
Jauna da, Bera da Errege ospetsua.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen. R/.
Ant. Eskuak errugabe ta bihotza garbi dituanak igongo dau
Jaunaren mendira.
2 Ant. Emon gorespen zuen egintzetan mendeetako erregeari.
Kantika: Tb 13, 1-10
Bedeinkatua Jainkoa, beti bizi dana,
bere erreinua
betiko daukana.
Berak emoten dau
zigorra, Berak errukia, †
lurpera sartzen eta
handik ataratzen,
Haren eskutik ez dau
inork ihes egiten.
Ospatu eizue Jauna, israeldarrok,
atzerrien aurrean,
Harek banatu
gaitu-eta hareen artean.
Erakutsi han, Ha
zein handi dan,
emon Hari
gorespenak, bizidun guztien aurrean:
Bera da-eta gure
Jaun eta Jainko,
Bera gure Aita
betiko.
Jotzen gaitu gure okerkeriekaitik,
baina batuko zaitue
barriz, errukiturik,
sakabanatuta zabilzen
atzerrietatik.
Bihotz eta gogo
osoz Harengana bihurtzen bazarie,
harekin leial
jokatzeko,
orduan bihurtuko
jatzue,
eta ez deutsue
aurpegirik ezkutatuko.
Harek zer egin deutsuen
gogoratu eizue,
aho betez ospatu eizue.
Emon goraldi Jaun
zintzoari,
emon gorespen
mendeetako erregeari.
Ospatzen dot nik, buztarpean nauken herrian,
erakusten deutsat
herri pekatariari,
zein ahaltsu dan
eta zein handi.
Bihurtu zaiteze, pekatariok!
Egizue Haren
aurrean zuzen dana!
Errukitu daiteke,
agian, baleuko zuentzat errukia.
Nire Jainko eta zeruko erregeari
emongo deutsadaz
gorespenak,
nire barrua poztuazoko
dau Haren handitasunak.
Bedeinkatu eiue Jauna, Haren aukeratuak,
abestu Jerusalemen
Haren goralpenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Emon gorespen zuen egintzetan mendeetako erregeari.
3 Ant. Zuzenak diranei dagokie Jauna gorestea.
32. salmoa
Poztu zaiteze zintzoak Jaunagan,
zuzenak diranei
dagokie Ha gorestea.
Ospatu eizue Jauna kitaraz,
egiozue soinu hamar
hariko salteriz.
Kanta eiozue kantu
barri turutaz ondo abestu.
Zuzena da-eta Jaunaren hitza,
leiala Harek egin dauan
guztia.
Zuzen eta bidezko dana
dau maite,
Hren graziaz lurra
dago bete.
Jaunaren hitzak egin ditu zeruak,
Haren aho-arnasak
izar mordoak.
Zahagian lez batu
ditu itsas-urak,
askan lez daukaz
olatuak.
Lur osoak Jaunari bildur izan beio,
bildur Hari
lurbiran bizi diran guztiek.
Harek esanik eginak
dira-eta,
Harek agindurik
izan ere dira-eta.
Atzerrien asmoak Jaunak ditu huts izten,
herrien erabagiak
huts bihurtzen.
Jaunaren asmoek
badiraute betieran,
Haren barruko erabagiek
gizaldi guztietan.
Bai dohatsu, Jauna Jainko dauan jendea,
bere oinorde
hautatu dauan herria.
Begira dago Jauna
zerutik,
ikusten dauz gizaki
guztiak.
Bere egoitzatik begiratzen deutse,
lurrean bizi diran
guztiei.
Hareen bihotzak
bere eskuz egin ditu,
hareen egintza danak
ezagutzen ditu.
Erregek ez dau gudari-taldez garaitzen,
gudariak ez dau
bere indar handiz ondo urtetzen.
Gudua irabazteko
hutsa da zaldia,
ez dau inor
salbatuko bere indar handiaz.
Hara, Jaunaren begiak bildur deutsoenengana,
Haren maitasuna
itxaroten dabenengana;
hareek heriotzatik
atarako ditu-eta,
eta gosetean asetuko.
Gure bihotza Jaunaren zain dogu,
lagun eta babes
Bera dogu-eta.
Harengan pozten jaku
barrua,
Haren izen
santuagan dogu itxaropena.
Betor gugana, Jauna, zure maitasuna,
Zugan dogu-eta gure
uste ona.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Zuzenak diranei dagokie Jauna gorestea
Jainkoaren hitza
Has 49, 10
Errege-makilea ez da Judagandik urrunduko, ez-eta aginte-makilea ere haren belaun-artetik, berari zergak ordainduz, herri guztiak menpean hartu arte.
R/. Zeure ganean, Jerusalem, * jagiko da Jauna. Zeure.
V/. Haren aintza zeurean agertuko da. * Jagiko da. Aintza Aitari. Zeure.
Bened. ant.: Kimu
barri bat sortuko da Jeseren zugatz-ondotik, herrien ikurrintzat jarria izango
da, eta ikusiko dabe guztiek Jaungoikoaren salbamena.
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan hitzemona eban-eta bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant.: Kimu
barri bat sortuko da Jeseren zugatz-ondotik, herrien ikurrintzat jarria izango
da, eta ikusiko dabe guztiek Jaungoikoaren salbamena.
Eskariak
Jainko Aita guztiz
ahaltsuak barriro ere eskua luzatuko dau herriaren hondarraz jabetzeko. Egin
deiogun, ba, dei esanez:
Etor bedi gugana, Jauna, zure erreinua.
—Egizu, Jauna, benetako damu-frutuak emon daiguzala, *
hurrean dan zure erreinuan sartzeko.
—Prestatu eiozu, Jauna, datorren zure Hitzari, gure
bihotzetarako bidea, * Haren aintza geugan zabaldu dadin.
—Zapaldu eizuz gure harrokeriaren mendiak, * eta jaso gure argaltasunaren sakonak.
—Birrindu eizuz herriak banatzen dabezan gorrotozko hormak, *
eta bardindu eizuz gizakientzat batasunerako bideak.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
OTOITZA
Jainko Jauna,
entzun bihotz onez gure otoitzak, eta emon zure graziaren laguntza estualdietan
gagozanoi; gugana datorren zure Semeak barritu gaizala, eta ez gaizala itzi zahartzen
gaituan pekatuaren menpean jausten. Zure Seme Jesu Kristo.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
ABENDUALDIKO I. EGUAZTENA
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen
bezala orain eta beti
gizaldi eta gizaldietan.
Amen. Aleluia.
Goratzarrea
Zatoz, Jauna! Gaur zai duzu mundua,
zori gaitzez hain da hondatua!
Zatoz, Jauna! Zabal, otoi, zerua:
Etor bedi zure erreinua!
Zatoz Jauna! Nausi bait da dirua:
jendea maiz dauka zapaldua.
Entzun, Jauna, behartsuen oihua:
Etor bedi zure erreinua!
Zatoz, Jauna! Hor gabiltza gauez
gau:
piztu gugan fedearen sua.
Zatoz, Jauna! Argi ezazu mundu hau:
Etor bedi zure erreinua!
jendeek elkar ezin hartu dute.
Zatoz, Jauna! Zuk bat egin mundua:
Etor bedi zure erreinua!
Salmoak
1 Ant. Jauna,
zeure argian ikusten dogu argia.
35. salmoa
Gaiztakeria jabilko berbaz gaiztoari bihotzean,
ez dau Jainko-bildurrik
begi-aurrean.
Bere burua dau zuritzen,
errurik ez dau beragan
aurkitzen, ez gorrotatzen.
Okerkeria eta azpikeria darioz ahotik,
galdu dau zentzua,
ez dau egiten onik.
Okerkeria dau ohean
hausnartzen,
on ez dan bidean
sendo dago, ez dau gatxik aldenduazoten.
Jauna, zure maitasuna zeruraino,
zure leialtasuna
hodeietaraino.
Zure zuzentasuna
mendirik handienak haina,
zure erabagiak
itsaso sakona:
gizaki eta abere Zeuk
salbatzen dituzu, Jauna.
Bai eder, Jainko, zure maitasuna!
Giza-seme-alabak zeure
hegalpera batzen dira.
Zure etxeko
guritasunez asetzen dituzu,
zure atseginen
ibaitik edanazoten deutsezu.
Zeugan daukazu-eta
bizi-iturria,
eta zure argitan
ikusten dogu argia.
Luzatu zure grazia ezagutzen zaituenei,
zure zuzentasuna,
bihotz zuzenekoei.
Ez naiala zapaldu
gizon harroen oinak,
ez naiala jaurti gaiztoaren eskuak.
Hara, gaizkileek lur-jo dabe,
jausi eta zutundu
ezinik dagoz.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Jauna,
zeure argian ikusten dogu argia.
2 Ant. Handia zara, Jauna, eta ospetsua, ahaltsu harrigarria.
Kantika: Jdt 16, 2-3. 15-19
Goretsi eizue nire Jauna atabalarekin,
abestu Jaunari
kitararekin;
eresi eta gorespen
eiozue,
Haren izena deitu
eta goratu eizue.
Jainko guda-hausle
da Jauna, Jauna da Haren izena.
Kantu barri bat kantatuko deutsat nire Jainkoari:
handia zara, Jauna,
eta ospetsua,
ahaltsu harrigarria
ta ezin-garaitua.
Zure mirabe izan beitez sorkari guztiak,
Zuk esanik eginak dira-eta.
Zuk arnasa bialdu
eta sortu egin zenduzan,
zure hitzari atzera
eragingo deutsonik ez da inon ezer.
Mendiak oinarritik mugitzen dira urekin,
harkaitzak ezkoa lez
urtzen dira Zu ikustearekin;
baina bildur deutsuenentzat,
aldeko zara hareentzat.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Handia zara, Jauna, eta ospetsua, ahaltsu harrigarria.
3 Ant. Jainkoari irrintzi eiozue.
46. salmoa
Herri guztiok, txalo jo eizue,
Jainkoari irrintzi
eiozue.
Goi-goiko Jauna,
izan ere, izugarri,
lurbira osoan
errege handi.
Herriak deuskuz guri menperatu, giza-endak oinperatu.
Aukeratu dau
guretzat ondarea:
maite dauan
Jakobentzat aintza-bidea.
Oihu alaien artean igon dau Jainkoak,
turuta-soinuz Jaunak.
Eresi Jainkoari, eresi, eresi gure erregeri, eresi.
Jainkoa da-ta
lurbira osoan errege,
eiozue jator
goratzarre.
Jainkoa errege da atzerrietan,
jesarrita dago
Jainkoa bere aurki santuan.
Herrietako buruzagiak batu dira,
Abrahamen
Jainkoaren herriagana;
lurreko handikiak
Jainkoarenak dira,
hain dago-ta garai
Bera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Jainkoari irrintzi eiozue.
Jainkoaren hitza
Is 7, 14b-15
Begitu, Birjina seindun dago, eta semea izango dau; Emmanuel ipiniko deutso izen, hau da: Jainkoa geugaz. Gatzatua eta eztia jango dauz, txarkeria baztertzen eta ona aukeratzen ikasi arte.
R/. Zeure ganean, Jerusalem, * jagiko da Jauna. Zeure.
V/. Haren aintza zeurean agertuko da. * Jagiko da. Aintza Aitari. Zeure.
Bened. ant.: Nire
ondoren dator ni baino ahaltsuagoa dana; ni ez naz-eta inor haren oinetakoen
lokarriak askatzeko ere.
Bedeinkatua
Jauna, Israelgo Jainkoa
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan
eukan berbea emonda bere santuen bidez,
behinola bere profeta ebazanen bidez;
salbazinoa gure arerioen menpetik,
gorroto deuskuen guztien eskutik.
Horrela
egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure
etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu,
barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure
Jainkoaren errai errukitsuakaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei
argi egitera,
gure oinok bake-bidean zuzentzera.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Nire
ondoren dator ni baino ahaltsuagoa dana; ni ez naz-eta inor haren oinetakoen
lokarriak askatzeko ere.
ESKARIAK
Jainkoaren Hitzak geugaz bizi izatea erabagi eban, haren Aintza ikusi daigun. Itxaropen horretaz pozturik, esan deiogun:
Oi Emmanuel, zagoz geugaz.
—Buruzagi zuzen: * Egiezu zuzenbide behartsuei eta zapalduei.
—Errege baketsu, ezpatak golde bihurtzen dozuzana, eta
aztamakilak igitai: * bihurtu eizuz gure ezin-ikusiak maitasun, eta gure
bidegabekeriak parkamen.
—Itxurearen arabera inor, ez ontzat hartzen, ez txartzat izten
ez dozun Horrek: * bereiztu eizuz zeureak.
—Hodeian ahalmen handiz zatorkezanean, * egizu, lotsarik barik agertu gaitezala zure aurrera.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
OTOITZA
Jainko gure Jauna,
prestatu eizuz gure bihotzak zure graziaz; Kristo zure Semea datorrenean betiko biziaren
mahaian jesarteko gauza aurkitu gaizan, eta zeruko janaria emon deigun. Zure
Seme Jesu Kristo.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
ABENDUALDIKO I. EGUENA
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu
Santuari.
Hasieran zen bezala orain eta beti
gizaldi eta gizaldietan. Amen.
Aleluia.
Goratzarrea
Zatoz ta izan
gure sutargi,
ikus dezaten gure begiok
zure aintzaren ederra.
Azkartu zure indarra
eta iguzu salbazioa.
Zatozkigu ta aska gaitzazu,
bizi berri bat dezagun.
Zatoz ta izan
bizitzaren gar,
igor zaiguzu zure Arnasa
eraberritu gaitezen.
Behar ordutan gure adore,
gure pausoen gidari.
Zatozkigu ta aska gaitzazu,
bizi berri bat dezagun.
Zatoz ta izan
«gurekin Jainko»,
argi gaitzazu Zuri darizun
jakinduriaren argiz.
Erne bekigu salbazinoa,
nola menditan goiz-alba.
Zatozkigu ta aska gaitzazu,
bizi berri bat dezagun.
1 Ant. Izartu zaiteze, salteria eta kitara; izartuazoko dot artizarra.
56. salmoa
Erruki zakidaz, ene Jainko, erruki
zakidaz,
nire anima hau Zeugana dator-eta ihesi;
zure hegoen gerizpean gordetzen naz,
ekatxa igaro artean.
Oihu dagiot Goi-goiko
Jainkoari,
on egiten deustan Jainkoari.
Bialdu bekit zerutik salbamena,
aurretik narabiltenak lotsaz bete daizala,
bere grazia ta leialtasuna Jainkoak bialdu
daizala.
Lehoien erdian natza: irrikaz
irunsten dabe gizakia;
horreen hortzak
gezi eta lantza,
horreen mihina ezpata zorrotza.
Jainko, agertu zaitez garai
zeruan,
zabaldu bedi lur osoan zure edertasuna.
Sarea zabaldu deutsee nire oinei, han jausi
nadin ni;
eurak jausi dira egin deusten zulora.
Bizkor daukat bihotza, bizkor, ene
Jainko,
eresi eta goratzarre deutsut egingo
«Izartu
zakidaz, barrena,
izartu zaiteze, salteria eta kitara,
izartuazoko dot artizarra».
Goretsiko zaitut, Jauna, herrietan,
goratzarre egingo deutsut atzerrietan.
Handia da-eta zure maitasuna zeruetaraino,
zure leialtasuna hodeietaraino.
Jainko, agertu zaitez garai
zeruan,
zabaldu bedi lur osoan zure edertasuna.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Izartu
zaiteze, salteria eta kitara; izartuazoko dot artizarra.
2 Ant. Nire herria neure ondasunez asetuko da —dino Jaunak.
Kantika: Jr 31, 10-14
Entzun Jaunaren itza,
atzerriak,
iragarri urruneko ugarteetan:
«Israel banatu ebanak batuko dau,
artzainak artaldea lez zainduko dau.
Jakob Jainkoak ber-erosi dau-eta
indartsuago baten eskutik atara dau».
Irrintzika etorriko dira
Sion-mendira,
Jaunaren ondasunetara batuko dira:
Ogi, ardo eta oriotara, artalde ta behi-taldeetara.
Eta hareen bihotza baratza busti bat
lez izango da,
ez dira gaurtik aurrera makalduko.
Neskek orduan pozik dantzan jardungo dabe,
mutil eta agureekin batera.
Negarretik atarako ditut pozaldira,
eta atsekabe ondoren, atseden eta
alaitasunera.
Abadeen bihotza hordituko dot guritasunez,
eta nire herria asetuko da nire ondasunez.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
2 Ant. Nire
herria neure ondasunez asetuko da —dino Jaunak.
3. Ant. Handia da Jauna, guztiz goresgarria, gure Jainkoaren urian.
Sal 47
Handia da Jauna, guztiz
goresgarria,
gure Jainkoaren urian.
Haren mendi santua, muino argitsu,
lurbira osoaren pozgarri;
Sion-mendia ipar-mugan,
errege handiaren uri.
Hango jauregietan Jainkoa,
gaztelu sendo agertu da.
Hain zuzen, erregeak ziran alkartu,
danak batean Haren aurka oldartu.
Baina ikusiaz bat izutu ziran,
lotsaz
igeska joan ziran.
Bertan hartu ebazan dardareak,
erdi-minaren erara;
eguzki-haize danean,
Tarsisko itsas-ontziak apurtzen dauzan eran.
Entzun bezela dogu ikusia
gudari-taldeen Jaunaren urian,
gure Jainkoaren urian:
Jainkoak sendotzen dau beti guztian.
Gogoratzen dogu, Jainko, zure
maitasuna,
zure jauretxe-erdian.
Zure izena lez, Jainko, zure
gorespena,
heltzen da lurraren bazterrera:
zure eskoia zuzentasunez dago betea.
Poztutzen da Sion-mendia,
poztutzen dira Judako uriak, zure
erabagiaz.
Egin itzul-bira Sionen
inguruan,
bat-banatu hango torreak.
Ikusi hango harresiak, begira hango
gazteluak,
ondorengoei esateko:
«Honenbestekoa da Jainkoa,
gure Jainkoa betiren betieran,
Bera dogu gidari gizaldi guztietan».
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Handia da Jauna, guztiz goresgarria, gure Jainkoaren urian.
Jainkoren hitza
Is 45, 8
Ihintz eizue
goitik; isuri eizue zuzenbidea, hodeiak! Lehertu bedi lurra, eta emon bei
salbamena, eta haregaz zuzentasuna.
R/. Zeure ganean, Jerusalem, * jagiko da Jauna. Zeure.
V/. Haren aintza zeurean agertuko da. * Jagiko da. Aintza Aitari. Zeure.
Bened. ant.: Jauna da nire salbamena, Haren zain nago; Beragan dot itxaropen, hurrean da-eta, alleluia.
Bedeinkatua Jauna, Israelgo Jainkoaagertu eta bere herria askatu dauana;
salbazino indarra deusku emon,
bere morroi Dabiden etxean.
Halan hitzemona eban-eta bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jauna
da nire salbamena, Haren zain nago; Beragan dot itxaropen, hurrean da-eta,
alleluia.
Eskariak
Uste osoz egin deiogun dei, gizartean izatea atsegin jakon Jainkoaren jakintza eta indar dan Kristori, esanez:
Zagoz geugaz, Jauna.
—Zure argiaren erreinura deitu gaituzun Jesu Kristo Jauna: * egizu, atsegin jatzuna betez ibili gaitezala.
—Munduak ez dakiala, geure artean zagozan Horrek: * sendotu eizu gure bihotzetan betiko salbamenaren itxaropena.
—Geure buruak bano hurrago zaitugun Horrek: * sendotu eizu gure bihotzean, betiko salbamenaren itxaropena.
—Zuzentasunaren iturri zaran Horrek: * gorde gaizuz zintzo eta garbi, zure etorreraren egunerako.
Gure Aita
zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Agertuazo eizu,
Jauna, zure ahalmena, eta lagundu eiguzu zure indar handiaz; gure pekatuek galazoten
daben salbamena, zure errukiaren graziak laster gauzatu daian. Zure Seme Jesu Kristo.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
ABENDUALDIKO I. BARIKUA
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu
Santuari.
Hasieran zen bezala orain eta beti
gizaldi eta gizaldietan. Amen.
Aleluia.
Goratzarrea
Zatoz, Jauna! Gaur zai duzu mundua,
zori gaitzez hain da hondatua!
Zatoz, Jauna! Zabal, otoi, zerua:
Etor bedi zure erreinua!
Zatoz Jauna! Nausi bait da dirua:
jendea maiz dauka zapaldua.
Entzun, Jauna, behartsuen oihua:
Etor bedi zure erreinua!
Zatoz, Jauna! Hor gabiltza gauez
gau:
piztu gugan fedearen sua.
Zatoz, Jauna! Argi ezazu mundu hau:
Etor bedi zure erreinua!
Zatoz, Jauna! Maitasunez gu bete:
jendeek elkar ezin hartu dute.
Zatoz, Jauna! Zuk bat egin mundua:
Etor bedi zure erreinua!
1 Ant. Onartuko dituzu, Jauna,
legezko opari, emari eta erre-opariak.
50. salmoa
Erruki zakidaz, Jainko, dozun maitasun handiaz,
suntsitu eizu nire makurra zure
amaigabeko errukiaz.
Garbitu naizu zehatz nire hobenetik,
ikuzi naizu nire gaiztakeriatik.
Nire bihurrikeria ezagutzen dot-eta,
nire hobena beti dot-eta begien
aurrean.
Zeuri egin deutsut pekatu, Zeuri baino
ez,
zure begietan oker dana egin dot
nik.
Zuzen agertuko zara auzian,
zintzo zure epaian.
Hobendun sortua naz izan ere,
pekatuan ninduan amak erne.
Zuri, ostera, bihotz leiala atsegin jatzu,
bihotz-munean zuhurtasuna irakasten deustazu.
Busti naizu isipuz, eta garbi
geldituko naz,
ikuzi naizu, eta edurra baino
zuriago geldituko naz.
Entzunazo poza ta atsegina niri;
xehatu dozuzan hazurrok egin beie
jauzi.
Aurpegi hori nire hobenetatik alderatu
eizu,
nire makurkeria guztiak suntsitu eizuz.
Bihotz garbi bat, Jainko, sortu eizu nigan,
arnasa bizkorra barritu eizu nire
barruan.
Ez naizu urrundu zure aurretik,
zure arnasa santua ez kendu niri.
Zure salbamenaren poza bihurtu eidazu,
zure arnasa zabalez sendotu naizu.
Erakutsiko deutsedaz gaiztoei zure
bideak,
Zeugana bihurtuko dira pekatariak.
Atara ni odol-zigorpetik, Jainko,
Jainko, ene salbatzaile;
eta nire ezpanek zure zuzentasuna
pozetan zabalduko dabe.
Edegiko deustazuz ezpanok, Jauna,
eta nire ahoak iragarriko dau zure
gorespena.
Ez jatzu-eta atsegin oparirik,
erre-opariak ez zendukez hartuko, nik
emonik.
Nire oparia, Jainko, bihotz damutua:
ez dozu arbuiatuko, Jainko,
bihotz damutu eta umildua.
Agertu zaitez, Jauna, onbera Sionekin,
Jerusalemgo harresiak egin eizuz barri.
Orduan onartuko dozuz
legezko opari, emari eta
erre-opariak;
orduan izango dira zekorrak zure
altaran eskeiniak.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Onartuko dituzu, Jauna, legezko opari, emari eta erre-opariak.
2 Ant.
Janarekin garaile izango da eta ospez betea Israelgo ondarea.
Kantika: Is 45, 15-26
Jainko ezkutua zara Zu, egiaz,
Israel-en Jainkoa, Salbatzailea.
Lotsaren lotsaz gorritu dira, danak batera.
Alde egin dabe lotsakizunez beteta,
jainko-irudien egileak.
Israelek salbamena lortu dau
Jaunagandik betiko,
ez da lotsaren lotsaz gorrituko menderen
mendeetan.
Holantxe hitz egin dau Jaunak, zeruak egin dituanak,
Bera
da Jainkoa, lurra eratu, egin eta sendotu dauana;
ez dau, ez, hutsik eukitzeko egin, gizakien bizileku baino:
«Neu naz Jauna, eta ez da
besterik».
Ez dot hitz egin ezkutuan,
lurreko bazter iluntsuan.
Ez
deutsat esan Jakob-en haziari:
«Nire bila ez alperrik ibili».
Neu naz Jauna, zuzen hitz egin dauana,
egia besterik esaten ez dauana.
Batu, etorri, hurreratu zaiteze danak,
atzerrian bizirik gelditu zarienak.
Zoro dira zurezko irudia daroenak,
ezin salbatu dituen jainkoari otoitz
dagioenak.
Egin hitz, jardun, hizketa egin alkarrekin,
nork iragarri eban hau lehendik,
nork esan aurreragotik?
Ez ete Neuk, Jaunak? Ez da-eta Neu
beste jainkorik;
ez da Nitaz kanpo jainko zuzen,
salbatzailerik.
Bihurtu Neugana lur-bazter guzti, salbatu nahi badozue,
Neu naz-eta Jainkoa, besterik ez dozue.
Neure buruagaitik egiten dot zin,
egiak dau nire ahotik urten,
ez dau egingo atzera:
«Guztiak jarriko jataz belauniko,
mihin guztik Neugaitik dau zin
egingo».
Esango dabe: «Jaunagan baino ez indarra
eta garaipena».
Lotsaren
lotsaz etorriko jakoz,
Haren aurka lehian ziharduenak.
Jaunarekin garaile izango da
eta ospez betea, Israelgo ondarea.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Janarekin garaile izango da eta ospez betea Israelgo ondarea.
3 Ant.
Jaunaren aurrera pozez-oihuka sartu zaiteze.
99. salmoa
Lurtar guztiok, egin irrintzi Jaunari,
Jaunari Zerbitzu alai eiozue,
Haren aurrera pozez oihuka sartu zaiteze.
Jakizue Jauna dala Jainko,
Berak egin gaitu, Bereak gara,
Bere herri eta larreko artalde.
Sartu zaiteze ateetatik eskerrak emonez,
Haren atarietan goratzarreka,
emon eskerrak, bedeinkatu Haren izena.
«Onbera da-eta Jauna,
Haren maitasuna betiko,
Haren leialtasuna mendeen mendeetaraino».
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jaunaren aurrera pozez-oihuka sartu zaiteze.
Jainkoaren hitza
Jr 30, 21. 22
Holantxe dino
Jaunak: Jakoben jatorrikoa izango dabe buruzagia, eta euren odolekoa erregea. Nik
hurreratuazo, eta hurreratu egingo jat bera. Zeuek izango zarie nire herria,
eta Neu izango naz zuen Jainko.
R/. Zeure ganean, Jerusalem, * jagiko da Jauna. Zeure.
V/. Haren aintza zeurean agertuko da. * Jagiko da. Aintza Aitari. Zeure.
Bened. ant.: Hara,
badator Dabiden etxeko Jainko-gizona, eta errege-aurkian jesarriko da,
alleluia.
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan hitzemona eban-eta bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant.: Hara, badator Dabiden etxeko Jainko-gizona, eta errege-aurkian jesarriko da, alleluia.
Eskariak
Jainkoak bere aintza gizakiei bere Semearen bitartez erakustea erabagi eban. Horregaitik, pozaren-pozez esan deiogun:
Goretsia izan bedi, Jauna, zure izena
Egizu, Jauna, ikasi daigula alkar onartzen, * Kristok Jainkoaren osperako onartu gaituan lez.
Semearen pozez eta bakez bete gaizuz, * Espiritu Santuaren itxaropenean eta indarrean ibili gaitezan.
Lagundu guztiei, Jauna, zure erruki handian, * ezjakinean zure zain dagozanek aurkitu zaiezan.
Aukeratuak zaintzen eta santutzen dozuzan Horrek: * jaso gaizuz pekatari garanok betiko zorionera.
Gure Aita
zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Agertu eizu, Jauna, zure indarra, eta erdu; Zuk lagundu eta askaturik, gure pekatuen arriskuetatik urten eta salbau gaitezan. Aitarekin eta Espiritu Santuarekin batean Jainko eta errege bizi zara-eta, gizaldi eta gizaldietan.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
ABENDUALDIKO I. ZAPATUA
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen
bezela orain eta beti
gizaldi eta
gizaldietan. Amen. Aleluia.
Goratzarrea
Zatoz ta izan
gure sutargi,
ikus dezaten gure begiok
zure aintzaren ederra.
Azkartu zure indarra
eta iguzu salbazioa.
Zatozkigu ta aska gaitzazu,
bizi berri bat dezagun.
Zatoz ta izan
bizitzaren gar,
igor zaiguzu zure Arnasa
eraberritu gaitezen.
Behar ordutan gure adore,
gure pausoen gidari.
Zatozkigu ta aska gaitzazu,
bizi berri bat dezagun.
Zatoz ta izan
«gurekin Jainko»,
argi gaitzazu Zuri darizun
jakinduriaren argiz.
Erne bekigu salbazinoa,
nola menditan goiz-alba.
Zatozkigu ta aska gaitzazu,
bizi berri bat dezagun.
1 Ant. Egunsentirako banator zure laguntza eskatzera.
118 Salmoa
Entzun naizu, Jauna: oihuka dihardut bihotz guztiaz,
beteko ditut Zuk jarriak.
Oihuka nagokizu, salbau naizu,
Zuk iragarriak gordeko ditut.
Egun-sentirako banator zure laguntza eskatzera,
zure hitzetan dot itxaropidea.
Gau-aldiei aurrea hartu deutse nire
begiak,
zure esanak gogoan iruliz.
Entzun, Jauna, zure onginahiez nire oihua,
emoidazu bizia zure erabagien arabera.
Gaiztoz eraso deustenak hurrean dira,
zure legetik urrun dira.
Hurrean zaukadaz, Jauna,
leial dira zure agindu danak.
Aspaldi da, Zuk iragarriei igarri deutsedala,
Zuk betiko jarriak dirala.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako
egunetan. Amen.
Ant. Egunsentirako banator zure laguntza eskatzera.
2 Ant. Jauna da nire indar eta kemen, Bera izan da nire salbamen.
Kantika: Ur 15, 1b-4a. 8-13- 17-18
Kanta deiogun Jaunari garai-garai
dalako,
zaldi eta zaldun itsasora amildu ditualako.
Jauna da-eta nire indar eta kemen,
Bera izan da nire salbamen.
Hauxe dot nire Jainkoa, zabal dot aitatuko,
gurasoen Aita, Bera nik goratuko.
Gudari da Jauna,
Jauna dau Harek izena.
Faraon-en gurdi eta gudariak
itsasoan amildu dauz guztiak.
Zure sudur-haizez urak metatu dira,
ur-joanak pilatu dira,
ur-lezak itsas-bihotzean mamindu dira.
«Atzetik noa —esan eban
etsaiak—, hari eskua ezartzera,
harrapakinak banatuko dodaz,
asetuko da nire barrua;
erantziko dot nire ezpatea,
nire eskua hareen jabe egingo da».
Haizeman dozu zure haizez, estali
ditu itsasoak,
murgildu dira berunaren eran ur handietan.
Zein jainko Zu hainakorik,
Jauna?
Nor Zu haina? Santu garai zara-eta,
egitez ikaragarria, mirarigilea.
Luzatu dozu zure eskua:
iruntsi ditu lurrak.
Maitasunez ekarri dozu zure egoitza santura
erosi dozun herria:
zure indarrez da ekarria.
Sartu dozuz eta landatu Zu jabe
zaituen mendian,
Zuk, Jauna, bizi izateko prestau dozun
tokian,
zure eskuek, Jauna, eregi eben
jauretxean.
Jauna dogu errege, betirik eta betiko.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Jauna da nire indar eta kemen, Bera izan da nire salbamen.
3 Ant. Goretsi eizue Jauna atzerri guztiak †
116 Salmoa
Goretsi eizue Jauna, atzerri
guztiak,
† goraipatu eizue, herri
guztiak.
Sendotu daualako gugan bere maitasuna,
eta beti-betiko dago Haren
leialtasuna.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Goretsi eizue Jauna atzerri guztiak.
Jainkoaren hitza
Is 11, 1-3a
Kimu barri bat sortuko da Jeseren zugatz-ondotik, muskil barri bat loratuko haren zanetik. Haren ganean Jaunaren Espiritua lekutuko da: jakituri eta adimen-espiritua; kontseju eta sendotasun-espiritua; ezaguera eta Jaunaren bildur-espiritua. Jaunaren bildur-espirituak beteko dau.
R/. Zeure ganean, Jerusalem, * jagiko da Jauna. Zeure.
V/. Haren aintza zeurean agertuko da. * Jagiko da. Aintza Aitari. Zeure.
Bened. ant. Sion, ez izan bildurrik, bajatortzu zure erregea, alleluia.
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan hitzemona eban-eta bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Sion, ez izan bildurrik, bajatortzu zure erregea, alleluia.
Eskariak
Aspalditik bere herria salbatzea erabagi eban Jainkoari, egin deiogun otoitz, esanez:
Jauna, zaindu zure herria.
—Zure herriari zuzentasunerako bidea agin zeuntsan Jainkoa: * begitu zure Eleizearen santutasuna.
—Jauna, jarri eizuz gizakion bihotzak zure hitzaren aldera, * eta sendotu kristauok santutasunean.
—Gorde gaizuz Espiritu Santuaren maitasunean, * datorren zure Semearen errukia hartu daigun.
—Jaun errukior, sendotu gaizuz azkenera arte, * Jesu Kristo
gure Jaunaren egunera arte.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko Jauna,
gizakia pekatuaren menpetik ataratzeko zure Seme maitea bialdu zenduan mundu
honetara; emoiguzu, Haren zain leialtasunez gagozanoi, zure parkamenaren grazia
eta egiazko maitasuna. Zure Seme Jesu Kristo.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
No hay comentarios:
Publicar un comentario